Հայ-ադրբեջանական կոնֆլիկտը որոշ գնահատականներով շարունակում է սրվել։ Որոշ վերլուծաբանների գնահատմամբ՝ այս ամենի արդյունքում կան ռիսկեր, որ պատերազմական հռետորաբանության այս սաստկացումը կարող է արտացոլվել սահմանային գոտում, որտեղ վերջին 6-7 ամիսների ընթացքում բավականին խաղաղ է եղել։ Այսօր այդպիսի հավանականություն տեսնում եք «Առաջին լրատվական»-ի հարցին Քաղաքական գիտության Հայաստանի ասոցիացիայի գործադիր տնօրեն Բենիամին Պողոսյանը պատասխանեց․ «Նախ պետք է նշեմ, որ հակամարտությունը ոչ թե հայ-ադրբեջանական է, այլ Ղարաբաղա-ադրբեջանական։ Ինձ թվում է, որ մենք պետք է տարանջատենք իրական բանակցությունները ներքին լսարանի համար արվող հայտարարություններից, որովհետև հասկանալի է, որ Արցախյան հակամարտությունը բավականաչափ զգայուն է թե՛ Հայաստանի համար, թե՛ Ադրբեջանի համար։ Կարելի է ասել, որ այն երկու երկրների համար էլ ներքաղաքական թիվ մեկ խնդիրն է, և հասկանալի է, որ էական ազդեցություն ունի ներքաղաքական գործընթացների վրա, և այն ենթակա է տարատեսակ ազդեցությունների, երբեմն նաև շահարկումների»։
Իսկ քաղտեխնոլոգ Վիգեն Հակոբյանն էլ ասաց․ «Վերջին բանակցությունների ավարտից հետո կողմերը սկսեցին նախապատրաստվել հաջորդ փուլին։ Համանախագահների համատեղ հայտարարության մեջ արդեն իսկ կար կոչ, որ մոտ ժամանակներս հանդիպում է լինելու։ Այսինքն՝ միանգամից սկսվեց հաջորդ հանդիպման նախապատրաստությունը, որը, կարծես թե, շուտով լինելու է։ Ես կարծում եմ, որ սա սահուն կերպով անցում էր բանակցությունների նոր փուլին»։
Մանրամասները՝ տեսանյութում։
