Ադրբեջանի ԱԳ նախարար Էլմար Մամեդյարովը «Մոսկվա-Բաքու»-ին տված հարցազրույցում չի բացառել, որ ՌԴ արտաքին գործերի նախարար Սերգեյ Լավրովը կարող է մասնակցել Հայաստանի և Ադրբեջանի ԱԳ նախարարների հաջորդ հանդիպմանը:
Հիշեցնենք, որ Մոսկվայում Մամեդյարովը մասնակցել է ԱՊՀ ԱԳ նախարարների խորհրդի նիստին։ Նիստից հետո նա հանդիպում է ունեցել ռուս գործընկերոջ հետ: Հանդիպման ընթացքում նախարարները քննարկել են ԼՂ հարցը:
Մամեդյարովը նաև հաջողված է համարել Սերգեյ Լավրովի հետ հանդիպումը և տեղեկացրել է, որ առաջիկայում կհայտարարվի իր և ՀՀ ԱԳ նախարար Զոհրաբ Մնացականյանի հանդիպման մասին:
