Լիբիայի առաջնորդ Մուամար Քադաֆին կարող է մնալ Լիբիայում այն բանից հետո, եթե հրաժարվի իր պարտականություններից: Այս մասին Reuters գործակալությանն ասել է ապստամբների առաջնորդ Մուստաֆա Աբդ Ալ-Ջալիլը:
«Խաղաղ կարգավորումը, որը մենք առաջարկել ենք, նախատեսում է, որ նա (Քադաֆին.- 1in.am) հրաժարական տա և հրահանգի զորքերին թողնել իրենց դիրքերը, որից հետո նա կարող է որոշել՝ մնալ Լիբիայում կամ նրա սահմաններից դուրս»,- հայտարարել է Աբդ Ալ-Ջալիլը:
Եթե նա որոշի մնալ, ապա մենք տեղ կտրամադրենք, որտեղ նա կբնակվի միջազգային վերահսկողության տակ: Իսկ միջազգային դիտորդները կհետևեն նրա բոլոր տեղաշարժերին»,- ասել է ապստամբների առաջնորդը: Քադաֆին, սակայն, չի պատրաստվում լքել երկրի տարածքը, ինչի մասին բազմիցս հայտարարել է: Սակայն միաժամանակ նա և իր թիմակիցները իրենց հայտարարություններում նշում են, որ պատրաստ են բանակցությունները վարել ապստամբների հետ, չնայած նրանց հանցագործ և «շայթան» են համարում:
