Թուրքիան մտադիր է Սիրիայի հարցը լուծել «դաշտում», ոչ թե բանակցային սեղանի շուրջ, ասել է Ստամբուլում ելույթի ժամանակ ասել է նախագահ Ռեջեփ Թայիփ Էրդողանը: Ելույթը հեռարձակում էր NTV հեռուստաալիքը, փոխանցում է «ՌԻԱ Նովոստին»:
Թուրքիայի ղեկավարը խոսում է Սիրիայի հյուսիսում քրդական կազմավորման դեմ նոր գործողությունների մասին: Նրա խոսքերով՝ Անկարան պատրաստ է այս հարցը լուծել մարտի 31-ին կայանալիք քաղաքային ընտրություններից հետո:
«Երկուշաբթի մենք նոր եռանդով առաջ կշարժվենք», – ասել է Էրդողանը:
Այն, որ Թուրքիան պատրաստ է Եփրատից արեւելք եւ Մանբիջում գտնվող սիրիական քրդական ինքնապաշտպանական ուժերի դեմ գործողություն սկսել, Էրդողանը հայտարարել էր դեռ դեկտեմբերի կեսերին, սակայն ԱՄՆ նախագահ Դոնալդ Թրամփի հետ հեռախոսազրույցից հետո, որը հայտարարեց ԱՄՆ զորքը Սիրիայից դուրս բերելու մասին, որոշեց հետաձգել այն: