«Երևի թե Մեդվեդևի ուղերձն էլ ինչ-որ նոր առաջարկներ և պատկերացումներ են պարունակում»,- «Առաջին լրատվականի» հետ զրույցում խոսելով ՌԴ նախագահ Դ. Մեդվեդևի Հայաստանի և Ադրբեջանի նախագահներին հղած ուղերձի մասին, կարծիք հայտնեց Ռազմավարական և ազգային հետազոտությունների հայկական կենտրոնի տնօրեն Մանվել Սարգսյանը:
Նա նշեց, որ քանի դեռ այդ ուղերձի վերաբերյալ տեղեկատվությունը բավարար չէ, իսկ Սերժ Սարգսյանի ելույթից էլ հստակ չի հասկացվում, թե դա ինչ է իրենից ենթադրում, ապա դեռևս դժվար է խոսել այն մասին, թե այդ ուղերձով ինչ է ցանկացել փոխանցել ՌԴ նախագահը:
Սարգսյանի նկատեց, որ շատ են խոսում, անգամ ամերիկյան մամուլում է եղել հրապարակում, որ Կազանում բանակցությունները տապալվել են հենց Մեդվեդևի կողմից. «Բնական է, որ ինչ-որ ձև պետք է արտահայտվեվ ռուսաստանի նախագահը և թերևս գտել է լավագույն ձևը: Կարծում եմ, այս ուղերձում ներկայացրել է իր դիրքորոշումը` փաստելով, որ կշարունակի բանակցությունները եռակողմ ֆորմատով»:
ՌԱՀՀԿ- ղեկավարը նաև հավելեց, որ Կազանից հետո Ռուսաստանը որևէ պաշտոնական հայտարարություն չի արել և Մեդվեդևի ուղերձը թերևս հենց այդ նպատակով է արված: