Ալլա Պուգաչովայի ամուսինը` Մաքսիմ Գալկինը, վերջին հարցազրույցում անկեղծորեն խոսեց կնոջ հետ փոխհարաբերությունների մասին, նաև նկարագրեց, թե ինչպես է Պրիմադոննան պատրաստվում է տոնել 70-ամյակը, որը տեղի կունենա ապրիլի 17-ին՝ Կրեմլի համերգասրահում: Շոումենի խոսքերով՝ Ալլա Բորիսովնայի համար դժվար է բեմ դուրս գալը: Վերջին տարիներին երգչուհին զբաղվում է երեխաների դաստիարակությամբ և հոգ է տանում ամուսնու մասին։ Նա դժվարությամբ է հիշում իր՝ ուժեղ և անկախ արվեստագետի երբեմնի կերպարը:
«Ալլան բեմ է բարձրանում որպես արտիստ, ոչ թե կին։ Իհարկե, կյանքում ես ճանաչում եմ ուրիշ Ալլայի՝ հասկացող, քնքուշ, սիրող, զոհողության պատրաստ։ Ամեն անգամ նա դժվարանում է բեմ բարձրանալ, և հիմա էլ է դժվար, որովհետև Ալլան ինքն էլ արդեն չի հիշում այն Ալլային»,- ասել է Մաքսիմը «Նա և նե» հաղորդման ժամանակ, գրում է Starhit-ը:
Չնայած հոգեբանական դժվարություններին, Ալլա Պուգաչովան կյանքում իրեն երջանիկ կին և մայր զգալու համար ամեն ինչ ունի: Գալկինը խոստովանեց, որ երգչուհին այժմ ավելի շատ ժամանակ է տրամադրում երեխաներին, քան ինքը: Բացի այդ, կնոջ իմաստության շնորհիվ, նրանք երբեք չեն վիճում: Մաքսիմի խոսքերով՝ Պրիմադոննան միշտ հյուրեր ընդունելիս ցույց է տալիս, որ ընտանիքի գլուխը տղամարդն է։
