Ամերիկացի դերասանուհի և երգչուհի Զոի Կրավիցը «Օսկար» մրցանակաբաշխության արարողությունից հետո կազմակերպված Vanity Fair Oscars երեկույթին ներկայացել է թափանցիկ կրծկալով, հաղորդում է Metro-ն:
30-ամյա Կրավիցը կրել է ոսկեգույն մետաղական թոփ-կրծկալ, որի տակից թափանցել է մերկ կուրծքը, ինչպես նաև սև գույնի երկար նեղ կիսաշրջազգեստ: Երգչուհին հանդերձանքը լրացրել է Yves Saint Laurent ֆրանսիական նորաձևության տան սև պայուսակով:
Երեկույթին Կրավիցին ուղեկցում էր ընկերը՝ հոլիվուդյան դերասան Կառլ Գլուսմանը:
Զոի Կրավիցը երաժիշտ Լենի Կրավիցի և դերասանուհի Լիզա Բոնեի դուստրն է: Նկարահանվել է «X մարդիկ. Առաջին դաս», «Խելահեղ Մաքսը», «Ֆանտաստիկ գազանները և դրանց բնակության վայրերը» և այլ ֆիլմերում:
