Huawei չինական ընկերությունը MWC-2019 համաժողովի շրջանակում ներկայացրել է Mate X սմարթֆոնը, հաղորդում է The Verge-ն։
Huawei Mate X-ը ստացել է 8 դյույմ անկյունագծով OLED էկրան, որի բարակությունը 5․4 մմ է։ Ծալված վիճակում երկու էկրանով այդ սմարթֆոնը (6․6 և 6․38 դյույմ անկյունաչափ) 11 մմ է։ Սարքավորումն աշխատում է 5G ցանցերի հետ։ Սմարթֆոնի մարտկոցը 4500 միլիամպեր ժամ հզորության է։
Ընկերությունը նախատեսում է սմարթֆոնը վաճառել 2019-ի կեսերին՝ 2607 դոլարով։
Նշենք, որ սմարթֆոնը ներկայացվել է Samsung Galaxy Fold-ի շնորհանդեսից մեկ շաբաթ անց, սակայն Huawei-ի սմարթֆոնը դրանից ավելի մեծ է և բարակ։