ԱՄՆ Ալաբամա նահանգի բնակիչ Հոդա Մութանային թույլ չեն տալիս ԱՄՆ մուտք գործել, որը չորս տարի առաջ ԴԱԻՇ-ի («Իսլամական պետություն») գրոհայինի հետ է ամուսնացել, իսկ այժմ չորսուկեսամյա որդու հետ փախել է Սիրիայում ահաբեկիչների ճամբարից և ցանկանում է տուն վերադառնալ։ Այս մասին հաղորդում է Associated Press-ը։
Ամերիկացի պաշտոնյաները պնդում են, որ 24-ամյա կինն ԱՄՆ-ի քաղաքացի չէ, և նա երկիր մուտք գործելու ոչ մի օրինական հիմք չունի՝ ո՛չ մուտքի արտոնագիր, ո՛չ քաղաքացիություն, ո՛չ գործող անձնագիր։ Փախստականի փաստաբանները ներկայացնում են նրա ծննդյան վկայականը և վստահեցնում, որ մինչ իսլամիստներին միանալը Հոդա Մութանան ամերիկյան անձնագիր է ունեցել։
Իրավիճակին միջամտել է նախագահ Դոնալդ Թրամփը։ Նա հայտարարել է, որ հենց ինքն է կարգադրել ԱՄՆ թույլ չտալ մուտք գործել գրոհայինի կնոջը և երեխային։
«Ես հանձնարարել եմ պետքարտուղար Մայք Փոմփեոյին, և նա լիովին համաձայն է, Հոդա Մութանային երկիր մտնել թույլ չտալ»,-Twitter-ի իր էջում գրել է Թրամփը։
