Ըստ ՀՀ կառավարությանն առընթեր պետական եկամուտների կոմիտեի կողմից տրամադրած բեռնամաքսային հայտարարագրերի տվյալների՝ 2011 թ. հունվար-մայիսին մարդասիրական օգնության կարգով ՀՀ են ներմուծվել 2194.0 տոննա ապրանքներ, որոնց արժեքը կազմել է 9958.1 մլն դրամ կամ 26.9 մլն դոլար: Այս մասին ասվում է ԱՎԾ այսօր հրապարակած «ՀՀ սոցիալ-տնտեսական վիճակը 2011 թ. հունվար-մայիսին» զեկույցում։
Ստացված օգնության 35.4%-ը կազմել են քիմիայի և դրա հետ կապված արդյունաբերության ճյուղերի արտադրանքը, 20.6%-ը՝ սարքերը և ապարատները, 14.3%-ը՝ վերգետնյա, օդային և ջրային տրանսպորտի միջոցները, 8.3%-ը՝ մանածագործական իրերը, իսկ 21.4%-ը՝ մնացած ապրանքները:
