Սիրիայից ամերիկյան զորքերի դուրսբերումը չպետք է հանգեցնի իշխանության վակուումի այն տարածքներում, որոնք րանք լքելու են: Այս մասին հինգշաբթի օրը հայտարարել է Թուրքիայի նախագահ Ռեջեփ Թայիփ Էրդողանը Սոչիում կայացած մամուլի ասուլիսում`Ռուսաստանի և Իրանի գործընկերների՝ Վլադիմիր Պուտինի և Հասան Ռուհանիի հետ հանդիպումներից հետո:
«ԱՄՆ-ի զորքերի դուրսբերման պարտադիր պայմանը այն է, որ զինվորականների կողմից լքված տարածքներում իշխանության վակուում չձևավորվի, հակառակ դեպքում այս գործընթացը կարող է ձեռնտու լինել «Ազգային ինքնապաշտպանության ուժերի», «Ժողովրդավարական միության» և «ԴԱԻՇ»-ի ահաբեկիչների համար»,- ասել է նա:
Էրդողանը հավելել է, որ Սիրիայի տարածքից ամերիկյան զորքերի դուրսբերման ժամկետը դեռևս պարզ չէ։ «Խոսելով Սիրիայից ԱՄՆ զորքերի դուրս բերման մասին, դեռևս պարզ չէ, թե ինչ կլինի հետո: Մենք տեսնում ենք, որ ԱՄՆ-ում որոշ քաղաքական գործիչներ չեն կիսում Դոնալդ Թրամփի տեսակետները այս թեմայի վերաբերյալ: Ասվում էր, որ դա կարող է տեղի ունենալ ապրիլին կամ մայիսին, մենք ուշադիր հետևելու ենք զարգացումներին»,- ասել է Թուրքիայի նախագահը։
