«Մամուլի հետ սուրճ» հաղորդման փետրվարի 12-ի հյուրը Մեդիա նախաձեռնությունների կենտրոնի զարգացման գծով պրոդյուսեր Արմեն Սարգսյանն է։
Մեր զրուցակիցը կարծում է, որ հեղափոխության արդյունքում ավանդական մեդիան պարտվեց առցանց լրատվամիջոցներին և այդ հաղթարշավը շարունակվում է քանի դեռ ավանդական մեդիան իրեն «մի լավ թափ չի տվել»։
Ըստ Արմեն Սարգսյանի՝ ոչ մի պատրվակով չի կարելի դիպչել խոսքի ազատությանը.«Խոսքը պետք է գնա ֆեյքերին ոչ թե «անջատելու», «փշրելու» մասին,այլ սպառողները իրենք պետք է կարգավորեն խնդիրը։ Մենք ժամկետնանց ապրանք չենք գնի, նույնն էլ պետք է անել մեդիայի առումով»։
Ինչ վերաբերում է Մարտի մեկի իրադարձությունների շուրջ նախկին և ներկա իշխանությունների տեղեկատվական պատերազմին, մեր զրուցակիցն ասաց.«Մարտի մեկն Ավարայրի ճակատամարտ չէ, մենք տեսել ենք, ներկա եղել, շատ դժվար է խեղաթյուրել։ Ինչքան էլ փորձեն շուռ տալ, հասկանալի է, թե ինչ է եղել Մարտի մեկին։ Իմ տպավորությամբ մարտի մեկի վերաբերյալ տեղեկատվությունը սկսել է կեղծվել իրականացման պահից սկսած»։
