Միչիգանի բնակիչ Սթենլի Բեյքերը վճարել է 35 տարվա վաղեմության տուգանքը: Ինչպես հայտնում է Associated Press գործակալությունը, տուգանքը գրվել է 1975 թ.-ի նոյեմբերի 7-ին Ֆլորիդայի նահանգի Օրլանդո քաղաքում չթույլատրված վայրում կայանելու համար: Վճարման գումարը կազմել է 1 դոլար:
Օրլանդոյի ոստիկանությունում գործակալությանը հայտնել են, որ տուգանքի վճարման մասին ծանուցագիրը ստացել ենք մի քանի օր առաջ: Փաստաթղթին կից կար մի գրություն, որում ասված էր. «Լավ է ուշ, քան՝ երբեք»: Իրավապահ մարմինների ներկայացուցիչները նշել են, որ 89-ամյա Սթենլի Բեյկերի արարքն իրենց շատ է զվարճացրել:
Հատկանշական է, որ տուգանքը նրա անունով չի եղել: Տղամարդն այն պատահաբար գտել է մի գրքի միջից, որն ինքը գնել է 1995 թ.-ին: Բեյկերի որդու խոսքերով՝ իր հայրը վաղուց էր ցանկանում մարել այդ տուգանքը, քանի որ այդ գաղափարը նրան զվարճալի էր թվում:
