General Motors կորպորացիայի գլխավոր տնօրեն Մերի Բարան 2014 թվականին կստանա 14.4 մլն դոլար: Այդ գումարը կազմված է երկու մասից՝ աշխատավարձից և հավելավճարներից: Համաշխարհային ավտոմոբիլային ոլորտի առաջին կին ղեկավարի եկամուտը կլինի նրա նախորդ Դեն Ակերսոնի եկամտից 60 տոկոսով ավելի: Ակերսոնը հրաժարական էր տվել անցած ամիս: Այս մասին հայտնում է Reuters գործակալությունը:
Ավելի վաղ GM-ում հայտնել էին, որ Բարայի եկամուտն այս տարի կկազմի 4.4 մլն դոլար: Նշվում է, որ փոխհատուցման երկարաժամկետ ծրագիրը պետք է հաստատեն ընկերության բաժնետերերն ամենամյա ժողովի ժամանակ, որը կանցկացվի հունիսին:
Բարան կորպորացիայում աշխատել է 33 տարի: Այդ ժամանակահատվածում նա անցել է կարիերայի բոլոր աստիճաններով:
