«Ուկրաինայի ճակատագիրն արդեն որոշված է, և Սոչիի օլիմպիադան բացարձակապես այդ ամենի վրա ազդեցություն ունենալ չի կարող»,- «Առաջին լրատվական»-ի հետ զրույցում ասաց քախտեխնոլոգ Իգոր Մուրադյանը:
«Դա, ըստ իս, հորինված միտք է, որը ոչ մի ընդհանուր բան չունի այն իրադարձությունների հետ, որոնք կատարվում են Ուկրաինայում և մյուս բոլոր երկրներում, որոնց Ռուսաստանը ձգտում է ղեկավարել: Ամենակարևոր բանը, որին Ռուսաստանը հասել է, դա այն է, որ ԱՄՆ-ը դարձել է դիրիժորն ու քաղաքական նախագծողը, և Մայդանը հիմնովին ազդել է Ամերիկայի Միացյալ Նահանգների արտաքին քաղաքականության վրա»,- հավելեց նա։
Քաղաքագետի խոսքերով՝ Բարաք Օբամայի վարած քաղաքականությունն Ամերիկայի համար փակուղի է, և այն պետք է ոչ թե վերանայվի, այլ ոչնչացվի, և Վաշինգտոնում քաղաքականության պետք է գան ռեալիստ քաղաքական գործիչները:
«Մայդանը շատ ավելի սկզբունքային է, քան կարելի է պատկերացնել, և շուտով շատ համոզիչ կերպով հայտնի կդառնա, որ Ռուսաստանը կորցրել է Ուկրաինային, ընդ որում՝ ամբողջովին: Ուկրաինայի կառավարությունը կձևավորվի ուկրաինացի ժողովրդի հայրենասիրական ուժերին համապատասխան, ԱՄՆ-ի աջակցությամբ: Ուկրաինայի խմբավորումների մեջ մի փոքր ավելի ազդեցիկ ուժերը հետաքրքրված են Ռուսաստանի ազդեցությունից կտրվելու հարցում և Արևմուտքի հետ ինտեգրացիայի արագացմամբ: Նույնիսկ Ռուսաստանի նախկին «հենարանը» համարվող օլիգարխները սկսել են ձգտել երկրում Արևմուտքի ազդեցությունը մեծացնել, որովհետև Ռուսաստանի քաղաքականությունը դարձել է Ուկրաինայի, հետևաբար նաև իրենց բիզնեսի համար ամենագլխավոր վտանգը:
Այս ամենի հետ մեկտեղ ավելի ու ավելի են ակտիվանում այն հայրենասիրական ուժերը, որոնք համոզված են, որ պետք է պահպանել երկրի տարածքային ամբողջականությունը՝ ներառյալ Ղրիմը: Ո՞վ և ի՞նչ կդառնան ուկրաինացի օլիգարխները, ովքեր Ռուսաստանի մեջ կմտնեն: Միացյալ Նահանգները ծայաստիճան հետաքրքրված են Ղրմով, իսկ Գերմանիան՝ Դոնբասով, Մերձդնեստրով»,- ասաց քաղաքագետը:
Հարցին, թե ինչ անդրադարձ կունենան ուկրաինական զարգացումները Հայաստանի վրա, Իգոր Մուրադյանը պատասխանեեց․ «Ռուսներն արել են ամեն ինչ, որպեսզի Ռուսաստանի և Ուկրաինայի միջև պատ դնեն, և այդ պատը քանդելն անհնար է: Վլադիմիր Պուտինի և իր թիմի «հիանալի» քաղաքականությունը Ռուսաստանին բերել է բլոկադայի և մարգինալ իրավիճակի, այսինքն այն ամենի, ինչի դեմ ռուսները պայքարում էին վերջին ժամանակահատվածում: Առանց Ուկրաինայի Մաքսային միությունը և առհասարակ իմպերիալիստական գաղափարներն իմաստ չունեն»,- ասաց Մուրադյանը:
Նրա խոսքերով՝ Ռուսաստանը ոչ թե կայսրություն է, այլ «եվրասիական Վենետիկ», այսինքն մեկ շատ ոչ առողջ քաղաքի՝ Մոսվայի օլիգոպոլիա․ «Այն ընդունակ է հետ պահել ալիքը, բայց ոչ մի կերպ այն չընդլայնել: Ռուսաստանը շատ վտանգավոր է դարձել: Այն դեգեներատ, անտարբեր պետություն ու հասարակություն է, որը սպիտակ տենդի մեջ իր մատը պահում է միջուկային կոճակի վրա: Դա մեծ խաղ է, և Մայդանը շատ պետությունների համար իրենց անկախությունը պահպանելու հնարավորություն է:
Ռուսներն ինքնասպան չեն, և նրանց ճակատագրի իմաստավորման հույս կա: Այդուհանդերձ՝ Հայաստանի առաջ դրված է առաջադրանք՝ ձևավորել հակագաղութացման շարժում: Մի ժամանակ մենք Ուկրաինայում շատ լավ օրեր ենք անցկացրել, և հնարավոր է այդ երկրի հետ է կապվել շատ երկրների քաղաքական հեռանկարը: Այդ պատճառով պետք է աջակցել Ուկրաինային՝ չնայած «պսեվդո-երևանիզմի» ոգով շատ կասկածներին և կարծիքներին:
Իգոր Մուրադյանի պնդմամբ՝ Ռուսաստանն արդեն Ուկրաինայում պարտվել է, և հիմա Մոսկվայում մտածում են ինչպես դուրս գալ այդ ամոթալի իրավիճակից, այդ թվում՝ նաև Մաքսային միությունից: «Ինչպես էլ այդ բլեֆը ձգվի, պետք է հասկանալ, որ Մաքսային միություն այլևս գոյություն չունի, առանց Ուկրաինայի չկա ոչ կայսրություն, ոչ էլ ուրիշի հանդեպ պահանջներ»,- եզրափակեց նա։
