ԵԿՄ անդամ, ազատամարտիկ Սերգեյ Գասպարյանն այսօր Եռաբլուրում «Առաջին լրատվական»-ի հետ զրույցում նշել է, որ միության անդամներին մտահոգում է այն, որ ստոմատոլոգիական ծառայությունները սկսած հունիսից պետպատվերի շրջանակում չեն իրականացվում։
«Ազատամարտիկների վիճակը, ինչպես Հայաստանում բոլոր խավերի վիճակը, վատ է, և ցանկալի կլիներ, որ պետպատվերի շրջանակում ստոմատոլոգիական ծառայությունները լինեին»,-ասաց նա՝ հավելելով, որ ցանկալի կլիներ, որ մի փոքր ավելի ուշադրություն դարձնեին ազատամարտիկներին։ Նրա խոսքով՝ իշխանությունը դեռ որ չի արձագանքել խնդրին․
«Հատկապես թավշյա հեղափոխությունից հետո կուզեինք, որ ազգի լավագույն զավակները, որ իրենց կյանքը դրել են հայրենիքի զոհասեղանին, գոնե բավարար կերպով ստոմատոլոգիական ծառայություններից պետպատվեր օգտվեն»,-հավելեց նա։
