Հաճախ կենդանիների տերերը նրանց ներում են զանազան չարաճճիություններն ու գույքը փչացնելը: Սակայն ավտոմեքենաների սիրահարը չի կարողացել համակերպվել, թե ինչպես է շունը վարվել իր 80000 ֆունտ արժողությամբ Aston Martin մեքենայի հետ:
42-ամյա Ռոյսթոն Գրիմսթեդն անչափ երջանիկ էր, երբ մեկուկես տարի առաջ գնել էր Aston Martin էլիտար ավտոմեքենան: Սակայն օրերից մի օր, տուն վերադառնալով, նա տեսել է, որ ավտոմեքենան կրծոտված է: Նա միանգամից հասկացել է, որ դրա մեղավորը շունն է՝ Լյուսը:
Գրիմսթեդի խոսքերով՝ ինքը ենթադրել անգամ չէր կարող, որ շունը կարող է նման բան անել, քանի որ կենդանին, երեք տարի շարունակ տղամարդու տանը բնակվելով, իրեն նման արարքներ թույլ չէր տվել:
Չնայած 3000 ֆունտ արժողությամբ վնասը ապահովագրական ընկերությունն է փոխհատուցել՝ բրիտանացին որոշել է այլևս ռիսկի չդիմել և ինչքան հնարավոր է արագ բաժանվել շնից:
Կենդանիների հարցերով փորձագետ Հելեն Սթոունի կարծիքով՝ կենդանու հետ մեքենան կրծելու պահին ինչ-որ բան է կատարվել, և նա սթրեսային վիճակում է գտնվել, գրում է Daily Mail հրատարակչությունը:
