Ինչպես հայտնում է ANSA գործակալությունը, Եվրոպայի երկրների մեծ մասում, այդ թվում՝ նաև Իտալիայում, շաբաթ օրը` հուլիսի 2-ին, սկսվում է զեղչերի մեծ սեզոնը: Ամեն տարի զեղչերի ժամկետը որոշում է երկրի նորաձևության ֆեդերացիան:
Իտալիայից բացի, սեզոնային զեղչեր են սկսվում նաև Անգլիայում, Իսպանիայում, Ֆրանսիայում, Գերմանիայում և այլ եվրոպական երկրներում: Եվրոպայի խոշորագույն քաղաքների ամենամեծ խանութները հագուստը, կոշկեղենը, ինտերիերի պարագաներն ու էլի շատ իրեր վաճառելու են շատ մեծ զեղչերով` ընդհուպ մինչև 70%:
Ամեն տարի զեղչերի ժամանակահատվածումզբոսաշրջիկները կազմակերպում են շոփ-տուրեր` հույս ունենալով ցածր գներով հայտնի ապրանքանիշերի հագուստ և այլ իրեր գնել: Ինչպես գրում է ANSA-ն, իտալական ամեն ընտանիք միջինը 300 եվրո է ծախսում զեղչված ապրանքներ գնելու համար: Ընդհանուր առմամբ այդ գումարը կազմում է 4.1մլրդ եվրո, որը տարեկան ընդհանուր առևտրի 12%-ն է:
Այս տարի զեղչերը կձգվեն մինչև հուլիսի վերջ: Ըստ ավանդության՝ ամենաբարձր զեղչերը կլինեն ամսվա վերջին օրերին: