Ուժեղ ձնաբքերը կաթվածահար են արել երթևեկությունն Իրանի մայրաքաղաք Թեհրանում, ինչպես նաև երկրի հյուսիսային, արևելյան և կենտրոնական մի քանի մարզերում: Իրավիճակը կփորձեն կարգավորել բանակային ստորաբաժանումները և ծանր տեխնիկան:
ISNA գործակալության տվյալներով՝ տեղ-տեղ ձյան շերտի բարձրությունը հասնում է 2 մ-ի: Էլեկտրափոխանցման լարերի պոկվելու հետևանքով խափանվել է էլեկտրաէներգիայի մատակարարումը երկրի հյուսիսում տեղակայված բնակավայրերում: Հյուսիսարևմտյան մարզերում, այդ թվում՝ Արդեբիլում, օդի ջերմաստիճանը հասել է -21 աստիճանի Ըստ Ցելսիուսի:
Տեղի իշխանությունները հայտարարել են դպրոցների, մանկապարտեզների և մի քանի բուհերի փակվելու մասին: Մոտակա ժամանակներս եղանակի բարելավում չի կանխատեսվում:
