Թուրքիայի վարչապետ Ռեջեփ Թայիփ Էրդողանը կոչ է արել բարեփոխել ՄԱԿ-ի Անվտանգության խորհուրդը՝ պնդելով, որ այս կառույցն անարդյունավետ է սիրիական հարցի լուծման հարցում՝ հաղորդում է Anadolu գործակալությունը:
Նրա խոսքերով՝ Սիրիա հումանիտար օգնության մատակարարման գործընթացը բարդացնում է այն, որ ՄԱԿ ԱԽ-ի մշտական անդամներն ունեն վետոյի իրավունք:
«ՄԱԿ-ը խոշորագույն կազմակերպություն է, որը պայքարում է խաղաղության և անվտանգության համար, սակայն ՄԱԿ ԱԽ-ի մշտական անդամների անգործությունը թույլ չի տալիս կազմակերպությանն ընդունել անհրաժեշտ միջոցառումներ սիրիացիներին օգնելու համար»,- ասել է Էրդողանը:
Վարչապետը նաև նշել է, որ Թուրքիան ընդունել է շուրջ 700 սիրիացի փախստականների և նրանց տեղավորման համար ծախսել 2.5 միլիարդ դոլար:
