Մեծ Բրիտանիայի Էսսեքս դքսության Քլաքթոն-օն-Սի քաղաքի բնակչուհին իր հղիության մասին իմացել է ծննդաբերությունից մեկ ամիս առաջ, հաղորդում է The Sun-ը:
Սաֆրոն Հեֆերը 17 տարեկան էր, երբ սկսեց թուլություն և տկարություն զգալ, որը բժիշկները վերագրում էին անեմիային և վիտամինների պակասին: Սակայն աղջիկա վիճակը ավելի ու ավելի վատանում էր: Մի քանի ամսվա ընթացքում նա M-ից հասնում է S չափսի՝ առանց սննդի սահմանափակման:
Սկզբում հղիություն կասկածում է աղջկա մայրը՝ նրա փորի հատվածում պիգմենտային բծեր նկատելուց հետո:
Մանկաբույժը, որը հաստատում է հղիությունը, բացատրում է, որ երեխան սխալ դիրքով է, որն ուղղելուց հետո, Հեֆերի խոսքերով, փորն աչքի առաջ մեկ օրում մեծանում է:
Երկու շաբաթ Հեֆերը ճնշված էր զգում և չէր պատկերացնում ինչպես արձագանքել լուրին: «Ի վերջո, մտածեցի. ես ուժեղ եմ, կարող եմ դա անել»,- բացատրել է աղջիկը:
Վեց շաբաթ անց Հեֆերը լույս աշխարհ է բերել 3.6 կիլոգրամ քաշով առողջ տղայի: Այժմ երեխան վեց ամսեկան է և բրիտանուհին խոստովանել է, որ իրեն դուրս է գալիս մայր լինելը:
