Եթե ԱՄՆ Կոնգրեսի պատգամավորները մերժեն իրականացնել սոցիալական անհավասարության դեմ պայքարի նախագահի ծրագիրը, Բարաք Օբաման կգործի՝ հաշվի չառնելով նրանց դիրքորոշումը: Այս մասին Սպիտակ տան ղեկավարը կհայտարարի իր ամենամյա «Երկրի իրավիճակի մասին» զեկույցում:
«Ամերիկան տեղում չի դոփում, և ես ևս դա չեմ անի: Այդ պատճառով էլ միշտ և ամենուր, որտեղ ես կարող եմ առանց օրենսդրության քայլեր ձեռնարկել ամերիկացի ընտանիքների մեծ մասի հնարավորությունները ընդլայնելու համար, ես պատրաստվում եմ դա անել»,- Օբամայի ելույթի մի հատվածը հրապարակել է Սպիտակ տունը:
«Փաստն այն է, որ նույնիսկ տնտեսության վերականգնման ժամանակ շատ ամերիկացիներ ավելի են աշխատում, քան երբևէ, որպեսզի ուղղակի ծայրը ծայրին հասցնեն»,- նշվում է Օբամայի ելույթում:
Իր խոսքով՝ սոցիալական անհավասարության դեմ պայքարում ինքը մտադիր է առաջադրել «կոնկրետ և գործնական» առաջարկություններ՝ հաղորդում է Ria Novosti-ն:
