ԱՄՆ նախագահ Դոնալդ Թրամփը օգտվել է լիմուզինի և յոթ մեքենաներից կազմված կորտեժի ծառայությունից 230 մետր հեռավորությունը հաղթահարելու համար, որպեսզի հանդիպի Ջորջ Բուշ-կրտսերի ընտանիքին, հաղորդում է The Washington Post-ը:
Նշվում է, որ Թրամփը և նրա կինը՝ Մելանիան, Սպիտակ տան հյուրերի համար նախատեսված Blair House պաշտոնական նստավայր են ժամանել նոյեմբերի 4-ի երեկոյան և 23 րոպե անցկացրել Բուշի ընտանիքի հետ:
«Հանդիպման ավարտից հետո նախագահն ու նրա կինը տուն ուղևորվել են կրկին կորտեժի ուղեկցությամբ: Կարճ ուղևորության համար փակվել է փողոցը և ներգրավվել նախագահական լիմուզինը»,- գրում է պարբերականը:
Հայտնի է, որ Blair House-ը գտնվում է Սպիտակ տան դիմաց: Պարբերականը շեշտում է, որ նախկին նախագահ Բարաք Օբաման սովորաբար այդ հեռավորությունը հաղթահարում էր ոտքով:
Նշվում է, որ Սպիտակ տան խորհրդատուները չեն պատասխանել WP-ին, թե ինչու է Թրամփն օգտագործել լիմուզինը, և արդյոք դա կապված է անվտանգության խնդիրների հետ:
