ՀՀ ոստիկանության և Հայաստանի ագրարագյուղացիական միավորման միջև ընթացած բանակցությունների արդյունքում կայացվել է որոշում. ավտոտեսչություններին հրահանգ է իջել չկանգնեցնել գյուղմթերքով բարձված մեքենաները։ Այս պայմանանվորվածության մասին հայտնում է ագրարագյուղացիական միավորման ղեկավար Հրաչ Բերբերյանը։
Բոլոր այն գյուղացիները, ում մեքենան կկանգնեցվի բեռնված լինելու պատճառաբանությամբ՝ կարող են զանգահարել ագրարագյուղացիական միավորման թեժ գիծ և տեղեկացնել այդ մասին։ Գյուղատնտեսը նաև տեղեկանցում է, որ հանրապետությունում այսօր առկա են երաշտի բոլոր նախադրյալները։ Գյուղացիներին խորհուրդ է տրվում թեթև ոռոգում կատարել՝ երաշտի պատճառով բերքի մեծ կորուստներ չունենալու համար։
«Կարտոֆիլի ցանկատարածությունները քչացել են. եթե երաշտի վնասը շատ չլինի, եկող տարի կունենանք կատոֆիլի կայուն գին։ Այս տարի ունենք ծիրանի 70% բերք, ավելի անմխիթար է բանջարեղենի վիճակը»,- տեղեկացնում է Հրաչ Բերբերյանը։ «Սխալ է նախարարության այն հայտարարությունը թե պարարտանյութը էժանանալու է։ Նման բան չի լինի։»
Հայաստանի ագրարագյուղացիական միավորման ղեկավարն առաջարկում է ստեղծել գյուղբանկ, որտեղ բաժնետեր կդառնան հենց գյուղացիները։
