«Գիտությունը տնտեսության առաջընթացի հիմքն է: Մեզ պետք է հզոր կրթություն: Այսօր իրականում աշխատաշուկայում կադրերի խնդիր ունենք: Գիտության, կրթության վրա ծախսվող գումարները ծախս չեն, ներդրում են: Պետք է ներդրում կատարենք ստարթափների, բարձր տեխնոլոգիաների և մյուս ոլորտներում»,- այս մասին «Առաջին լրատվական»- ի հետ զրույցում ասաց ՀՀ կրթության և գիտության փոխնախարար Հովհաննես Հովհաննիսյանը:
«Մեր ամբողջ ռեսուրսը մարդն է: Մենք պետք է շեշտադրում անենք մարդու վրա, մեր ջանքերի ստվար հատվածն ուղղվելու են նրան, որ կրթության բյուջեն ավելանա»,- նշեց փոխնախարարը:
Կրթության և գիտության փոխնախարարը «Իմ քայլը» դաշինքի կողմից առաջադրվել է որպես պատգամավորի թեկնածու: Անդրադառնալով հարցին, թե արդյոք սա չի կարող իբրև կռվան ծառայել հակառակորդներին՝ մեղադրելու վարչական ռեսուրսի օգտագործման մեջ, Հ. Հովհաննիսյանն ընդգծեց. «Այս ամիսների ընթացքում բավականին շատ բան է փոխվել Հայաստանում: Բազմիցս նախարարի կողմից շրջաբերական նամակով հրահանգ է եղել բոլոր կրթական հաստատություններին, որ որևէ կերպ որևէ կուսակցության օգտին քարոզչությամբ չզբաղվեն»:
Մանրամասն՝ տեսանյութում: