«Ես շատ երկար չեմ խոսի, որովհետև, ըստ էության, շատ երկար ասելիք էլ չկա, ամեն ինչ շատ պարզ է։ Նայում եմ՝ բազմաթիվ կուսակցությունների լոգոներ են դրված, բազմաթիվ թեկնածուների նկարներ էլ կան։ Մեկը լինի ու հարցնի՝ բա ո՞ւր էիք, որ Լոռու մարզի ու Սպիտակի շահերը բարձրաձայնում էինք։ Հիմա բոլորը կամ թեկնածու են, կամ շտաբի պետ են, կամ էլ գրասենյակ են բացել, բայց կարող ա նորմալ ա, ես չգիտեմ։ Ես միշտ անշահախնդիր, առանց երախտիքի խոսքի պաշտպանել եմ և՛ Լոռու մարզի, և՛ Սպիտակի, և՛ Վանաձորի, և ընդհանրապես, Հայաստանի բոլոր բնակավայրերի շահերը»,- Սպիտակում «Լուսավոր Հայաստան» կուսակցության քարոզարշավի ժամանակ ասաց ԱԺ պատգամավորության թեկնածու Էդմոն Մարուքյանը։
«Հիմա եկել է ժամանակը՝ լավ են աշխատում վերընտրում ես, վատ են աշխատում, էլ չես ընտրում։ Հիմա, եթե գտնում եք, որ մենք լավ ենք աշխատել՝ ընտրեք «Լուսավոր Հայաստան» կուսակցությանը և կուսակցությունն իր ներդրումը կունենա, իր մոտեցումները կբերի, եթե չէ, էլի խնդիր չկա, որովհետև ժողովրդավարությունը, դա ընտրություն է՝ մարդն ընտրում է նրան, այն ուժին, որին գտնում է, որ նա կներկայացնի իր շահերը»,- հավելեց Էդմոն Մարուքյանը։
Նա նաև ասաց՝ մի վարչապետ ունեինք, որն ասում էր, թե մի ասեք ճգնաժամ, այն կգա Հայաստան։
Ամբողջությամբ՝ տեսանյութում։
