Aravot.am-ի փոխանցմամբ՝ Գորիսի` 1992- 1994 թթ. քաղաքապետ, տարածաշրջանի ինքնապաշտպանության կոմիտեի համանախագահ Սամվել Հարությունյանը խեղկատակություն է համարում իր դեմ Դավթաշեն և Աջափնյակ վարչական շրջանների դատարան ներկայացրած Սյունիքի նախկին մարզպետ Սուրիկ Խաչատրյանի հայցը:
Հիշեցնենք, որ Սուրիկ Խաչատրյանը պնդում է, որ Սամվել Հարությունյանը զրպարտել է իրեն՝ Aravot.am-ին տված մի քանի հարցազրույցների միջոցով, մասնավորապես ՝ «Սուրիկ Խաչատրյանը կրակել է իրենից հղի սիրուհուն ու սպանել չծնված երեխային» հրապարակմամբ:
«Նա շարունակում է ապացուցել, որ դեռևս տառապում է ու չի ուզում հրաժարվել իր մարտնչող ցինիզմից: Իր հրեշավոր հանցագործություններից հետո փոխանակ սսկվեր ու, վերջապես, նրան կանգնեցնեին քրեական պատասխանատվության առջև, ինչին արժանի էր շատ վաղուց, հնարավորություն տվեցին, որ ոչ միայն ինքը, իր մարդասպան որդին ու թիկնապահն ազատվեն քրեական հետապնդումից, այլև հայցադիմում կարողանա ներկայացնել դատարան»,- Aravot.am-ին ասել է պարոն Հարությունյանը:
Նրա համոզմամբ, Սուրիկ Խաչատրյանի հայցադիմումը դատարանի վարույթ չպետք է ընդունվեր, ոչ միայն նրա համար, որ զրպարտության համար օրենքով սահմանված կարգով հայց ներկայացնելու ժամկետից ուշացել է, այլև հայցադիմումը ամբողջությամբ աղաղակող սխալներով լրացնելու համար:
Մանրամասները՝ aravot.am-ում
