«Կարգախոսը, իմ սուբյեկտիվ կարծիքով, գուցե կարևոր, բայց յուրաքանչյուր կուսակցության կամ անհատի համար բավականին փոքր հատված է այս ընդհանուր նախընտրական արշավի մեջ։ Դա ընդամենը մեկ-երկու-երեք բառի մեջ փորձում է տեղավորել այն, ինչ կուսակցությունը ուզում է մեսիջ հղել։ Պարզ է, որ այդ երկու-երեք բառով, ինչքան էլ, որ այն դիպուկ լինի, ինչքան էլ, որ այն լավը լինի, չի կարող ասել և փոխանցել այն, ինչը որ պետք է փոխանցվի հանդիպումների, ուղիղ եթերների ժամանակ»,- «Առաջին լրատվական»-ի հետ զրույցի ժամանակ ասաց քաղտեխնոլոգ Կարեն Քոչարյանը։
Չեք կարծում, որ ճիշտ ընտրված կարգախոսը պետք է թիրախավորեր և ուրվագծեր քաղաքական ուժի նպատակները «Առաջին լրատվական»-ի հարցին քաղտեխնոլոգը պատասխանեց․ «Օրինակ, Թրամփի կարգախոսը՝ «Առաջինը Ամերիկան»։ Եթե նա միայն դա ասեր, ուրիշ ոչինչ չաներ՝ չբացեր, թե ինչ է նշանակում այդ կարգախոսը․ բոլոր բիզնեսները պետք է հետ գան Միացյալ Նահանգներ և այլն, ապա այն նպատակակետին չէր հասնի։ Դա ընդամենը քաղաքական ծրագրի դեմո տարբերակն է»։
«Այնուամենայնիվ, ինձ դուր չի գալիս «Իմ քայլը» դաշինքի կարգախոսը։ Չգիտեմ, թե ինչի իրենք ընտրել են չինովնիկական երեք արտահայտությունից կազմված կարգախոս։ Չեմ ասում՝ վատն է կամ լավն է, բայց էդ ուժից, ես կոնկրետ շատ ավելի կրեատիվ բան էի սպասում։ Իրենք գնացել են ավելի ստանդարտի մեջ, էն ստանդարտի, որի մեջ իրենք չեն եղել երբեք»,- հավելեց Կարեն Քոչարյանը։
Ամբողջությամբ՝ տեսանյութում։
