Ինչպես հայտնաբերել են գիտնականները, թռչունների երգի մեջ հստակ շարահյուսություն կա, որը կա նաև մարդկային խոսքում: Թռչունները շատ ակտիվ հետևում են դրան և նկատում են ցանկացած փոփոխություն և խախտում: Այս մասին հրապարակվել է New Scientist կայքում:
Փորձը կատարվել է բենգալյան սերինոսների հետ: Դաշտային հետազոտությունների արդյունքում պարզվել է, որ նրանք շատ բարձր սկսում են գոռալ, երբ լսում են ոչ իրենց խմբի թռչունների երգը: Սկզբնական փուլում գիտնականներն անընդհատ սերինոսներին մոտ միացրել են այլ տեսակի թռչունների դայլայլ: Մի քանի անգամ լսելուց հետո նրանք սովորել են այդ երգին և դադարել են արձագանքել: Սակայն երբ այդ դայլայլի մեջ գիտնականները փոխել են որոշ հնչյուններ, սերինոսները կրկին արձագանքել են:
Գիտնականները եկել են եզրակացության, որ թռչուններին կարելի է որոշակի քերականական օրենքներ սովորեցնել, և դայլայլի մեջ փոփոխությունները վկայում են դրա մասին: Երկրորդ փուլում գիտնականները հայտնաբերել են, որ «քերականության» ընկալման համար թռչունների մոտ պատասխանատու է ուղեղի այն մասը, որը մարդկանց մոտ անվանվում է Բրոկի գոտի: Հենց որ թռչունների մոտ այդ գոտին չեզոքացվում էր, թռչունները դադարում էին նկատել «քերականական սխալները»:
