«Առաջին լրատվական»- ի հետ զրույցում դերասան Սերգեյ Դանիելյանը նշեց, որ «արտիստալրագրողական» գործունեություն կծավալի. Արման Սուլեյմանյանի հետ Քաղաքացիական ակտիվ քայլի անկախ յութուբյան ալիքում կիրականացնեն «Սև և սպիտակ» ծրագիրը: «Դա կլինի անկախ հարթակ՝ կներկայացնի տարբեր քաղաքական ուժերի, խոսք կտրվի և՛ «սևին», և՛ «սպիտակին»»,- մանրամասնեց Դանիելյանը:
Անդրադառնալով արտահերթ խորհրդարանական ընտրությունների արդյունքում ձևավորվելիք խորհրդարանի հետ կապված ակնկալիքներին, դերասանը նշեց. «Եթե նոր խորհրդարանն իրեն չարդարացնի «կխեղդենք»: Հասարակությունն ամեն ինչ կանի, կսատարի: Խորհրդարանն իրեն կարդարացնի թե ոչ, կախված է բոլորիցս. մեսիջը տրված է, ճանապարհը կա: Եթե չեն աշխատում, ստիպեք թող աշխատեն: Հասարակությունը պետք է տեր լինի: Մենք մեր ձեռքբերումը պետք է փայփայենք՝ ինչպես մեր երեխային, դաստիարակենք: Քաղաքական երեխային պետք է խիստ դաստիարակել, բայց հասկանալ, որ քոնն է՝ չջարդել, չփշրել, չսպանել»:
Ս. Դանիելյանի դիտարկմամբ՝ իշխանությունների առաջին գործառույթը պետք է լինի օրենքի գերակայություն հաստատելը: Նրա խոսքով՝ երջանիկ են ապրում այն ժամանակ, երբ օրենքի առջև բոլորը հավասար են:
«Մեր ներքին քաղաքականությունը սարսափելի է,- ընդգծեց Դանիելյանը:- Ինձ դուր է գալիս մեր արտաքին քաղաքականությունը, մեր վարչապետի մորուքից չեն քաշում»:
Մանրամասն՝ տեսանյութում:
