The Wall Street Journal ամերիկյան պարբերականը պնդում է, որ ԱՄՆ նախագահ Դոնալդ Թրամփը պատրաստվում է Սպիտակ տուն հրավիրել Volkswagen, BMW և Daimler գերմանական խոշոր ավտոկոնցերնների ղեկավարներին, որպեսզի նրանց համոզի արտադրությունն ԱՄՆ տեղափոխել:
Նշվում է, որ ընդունելությունը կարող է «առաջիկա մի քանի օրում տեղի ունենալ»: Հանդիպմանը ծրագրում են մասնակցել առևտրի նախարար Ուիլբուր Ռոսը, առևտրային բանակցություններում ԱՄՆ ներկայացուցիչ Լոուրենս Քադլոուն և ԱՄՆ նախագահի տնտեսական հարցերով գլխավոր խորհրդական Ռոբերթ Լայթհայզերը: Ըստ պարբերականի` հանդիպման ընթացքում Սպիտակ տանը մտադիր են քննարկել ԱՄՆ տարածքում գերմանական ավտոկոնցերնների պատրաստի արտադրանքի թողարկման ընդլայնումը և բաղադրիչ տարրերի արտադրությունն ԱՄՆ տեղափոխելը:
Նշվում է, որ հանդիպման ընթացքում Թրամփը կրկին նախատեսում է բարձրացնել ԱՄՆ ավտոմեքենաներ ներկրելու դեպքում մաքսատուրքերի բարձրացման հարցը: Նա ցանկանում է, որ գերմանական ավտոկոնցերնների ղեկավարությունը Բեռլինին համոզի օգտագործել ԵՄ-ում իր դիրքը՝ Վաշինգտոնի հետ նոր առևտրային համաձայնագիր կնքելու շուրջ Բրյուսելի հետ բանակցություններն արագացնելու համար:
