Բրիտանական Իստլի քաղաքի բնակչուհի Քլեր Թիքլը 64 հազար դոլար արժողությամբ 9 լիպոսակցիայի է ենթարկվել, որի ընթացքում նրա ոտքերից 73 լիտր ճարպ է հեռացվել:
42-ամյա Քլերը վաղուց էր տառապում ավելորդ քաշից: Խնդիրը բարդանում էր նրանով, որ նրա մարմնի ստորին հատվածը անհամաչափորեն՝ 8 չափս մեծ էր: Նա դժվարությամբ էր քայլում:
Ինչպես գրում է Daily Mail–ը, 2008թ. բժիշկները Քլերի մոտ լիպոդեմիա քրոնիկական հիվանդություն ախտորոշեցին, որին բնորոշ է ստորին վերջույթներում ճարպային հյուսվածքների կուտակումը: 178կգ կշռող Քլերը տարբեր սննդակարգեր էր փորձում, սակայն ոտքերը նույնն էին մնում:
Այժմ Քլերը 101կգ է և նրա կազմվածքը ավելի համաչափ է դարձել: Նա 48 չափսի ջինս է կրում և ասում, որ բառացիորեն նոր կյանք է ձեռք բերել:
