Sony Pictures Entertainment ամերիկյան կինոընկերությունը իրեն պատկանող Sony Pictures Technologies-ից հեռացրել է մի շարք աշխատողներին, ներառյալ ստորաբաժանման նախագահ Քրիս Կուկսոնին: Այս մասին հայտնում է The Los Angeles Times-ը:
Հեռացումների մասին ընկերությունը հայտարարել է չորեքշաբթի՝ Sony Pictures Technologies-ի որոշ գործառույթների հնարավոր վերցման մասին հայտարարությունում: Sony-ի մամլո քարտուղարը չի հայտնել հեռացված աշխատակիցների հստակ թիվը:
Վերջին ամիսներին Sony Pictures-ից հեռացել են մի քանի ղեկավարներ, այդ թվում` միջազգային մարկետինգի հարցերով նախկին տնօրեն Մարկ Վայնշտոկը, ԶԼՄ-ների հետ կապերի հարցերով փոխնախագահ Ստիվ Էլցերը:
Ավելի վաղ ընկերությունը հայտնել էր ծախսերի կրճատման հաշվին տարեկան շահույթը 100 մլն դոլարով ավելացնելու պլանների մասին:
