Բոլորս պատրաստվում ենք Ազգային ժողովի արտահերթ ընտրություններին։ Ցանկացած կանխագուշակում, որ արվում է հասարակության տարբեր շերտերի մոտ, բավականին հետաքրքիր է ուսումնասիրել։
Բազմաթիվ միջազգային կազմակերպություններ կան, որ ընտրություններից առաջ անում և ներկայացնում են իրենց հաշվարկները։ Վերջին շրջանում դրանք հազվադեպ են իրականանում, բայց մոտավոր պատկերը կարելի է ստանալ։ Մեր սոցիոլոգներն արդյո՞ք անում են այդ հաշվարկները, և նրանց հաշվարները որքանո՞վ են մոտ կամ հեռու միջազգային կազմակերպությունների տվյալներից «Առաջին լրատվական»-ի հարցին սոցիոլոգ Արտակ Սաղաթելյանը պատասխանեց․ «Այո, իհարկե, հաշվարկներ միշտ արվում են և՛ մեր սոցիոլոգների կողմից, և՛ միջազգային կազմակերպությունների պատվերով, որը նույնպես մեր սոցիոլոգներն են անում՝ հասարակության հետ շփվում են տեղացի մասնագետները, որոնք վերլուծություններ են անում, թվերը մշակվում են նրանց կողմից։ Պարզապես մեր մոտ վերջին շրջանում իրադարձություններն ավելի արագ էին զարգանում, քան կլասիկ իրավիճակում, դրա համար բարդություններ էր առաջանում ապագան կանխագուշակելու մեջ»։
«Առաջիկա ընտրությունների մասով մի քիչ պարզություն է մտցվել, և մի քիչ ավելի կանխատեսելի իրավիճակ է՝ ի տարբերություն ապրիլ-մայիս ամիսների։ Փաստ է, որ մեր հասարակությունն առաջիկա ընտրությունների մասով արդեն ընտրել է իշխանություն, հիմա պետք է ընտրի ընդդիմություն։ Այստեղ խնդիրն այլ դաշտում է՝ քաղաքական ուժերն իրենք գիտեն ինչ են ուզում և ինչ են անելու»,- հավելեց սոցիոլոգը։
Ամբողջությամբ՝ տեսանյութում։