Մայդանի ինքնապաշտպանության շտաբը հաստատել է տեղեկատվությունն այն մասին, որ զոհվել է 22-ամյա ակտիվիստ, ով տուժել էր Կիևի Գրուշևսկի փողոցում բախումների ժամանակ: Ավելի վաղ սոցիալական ցանցերում հայտնվել էր տեղեկատվություն այն մասին, որ երիտասարդը մահացել է հիվանդանոցում՝ հաղորդում է Segodnya պարբերականը:
Հաղորդվում է, որ հունվարի 20-ին նա վայր է ընկել «Դինամո» ստադիոնի 13 մ բարձրությամբ սյունից, որտեղից ցուցարարները դյուրավառ հեղուկով լի շշեր են նետել ոստիկանների վրա: Զոհվածի անունը չի հաղորդվում:
Հիշեցնենք, որ Ուկրաինայի մայրաքաղաք Կիևի Գրուշևսկի փողոցում բախումները սկսվել են հունվարի 19-ին: Ընդդիմության տվյալներով՝ բախումների հետևանքով տուժել է շուրջ 1500 մարդ:
