Բարձր նորաձևության սիրահարների ուշադրությունը ներկայում սևեռված է Փարիզի վրա: Այս տարի ևս գլխավոր թիրախային լսարանը մնում են ԱՄԷ-ն, Ռուսաստանն ու Չինաստանը:
Շաբաթը բացվեց Versace նորաձևության տան ցուցադրությամբ: Ապրանքանիշի գլխավոր դիզայները մնաց իրեն հավատարիմ՝ դրապ, սեղմիրաններ, գլխանոցներ ու թափանցիկ գործվածքներ, և բոլորն էլ՝ «նորաձևությունը շատ չի լինում» սկզբունքով: Այս մասին հայտնում է vesti.ru-ն:
Versace-ից հետո ներկայանալու են Chanel, Giorgio Armani, Jean Paul Gaultier, Valentino նորաձևության տներն ու համաշխարհային նորաձևության վարպետները:
Բարձր նորաձևության շաբաթում տղամարդկանց ցուցադրությունների թվում ամենաարտասովորը Walter van Beirendonck-ի հավաքածուն է: Պիջակներ, շորտեր, փեշեր՝ տղամարդկանց հավաքածուում: Իսկ աքսեսուարները զինվորական սաղավարտներն են ու հսկայական գլխանոցները:
Յուրաքանչյուր ցուցադրություն մի ներկայացում էր՝ դեկորացիաներով, գլխավոր հերոսներով ու ինտրիգներով: Առանձնահատուկ կերպով է ընտրվում նաև ցուցադրության վայրը՝ Սորբոն, Տյուիլյիի այգի, «Մուլեն Ռուժ» կաբարե և Լուվրի տաղավարներ:
