Իրանը չի մասնակցի Սիրիայի հարցով շվեյցարական Մոնտրյո քաղաքում կայանալիք համաժողովին, եթե դրա համար նրանից պահանջում են ընդունել «Ժնև-1»-ի կոմյունիկեն: Այս մասին ասվում է ՄԱԿ-ում Իրանի պաշտոնական ներկայացուցիչ Մուհամմադ Խազայիի հայտարարության մեջ՝ փոխանցում է ITAR-TASS-ը:
«Եթե Իրանի մասնակցության հարցը պայմանավորված է Ժնևյան կոմյունիկեի ընդունմամբ, ապա Իրանը չի մասնակցի «Ժնև-2» համաժողովին»,- ասել է իրանցի դիվանագետը:
2012-ի հունիսի 30-ին ընդունված կոմյունիկեի գլխավոր դրույթը Սիրիայում անցումային կառավարության ձևավորումն է:
