Չինական Խենան մարզի Լոխե քաղաքային շրջանում ոստիկանը փրկել է պատանդին՝ կապված ձևանալով։ Հատուկ գործողությունների տեսանյութը YouTube-ում հրապարակել է New China TV հեռուստաալիքը։
Տեսանյութում երևում է, թե ինչպես է հանցագործը դանակը դրել կնոջ կոկորդին, սպառնացել է սպանել նրան և ինքն իրեն և պահանջել է, որ ոստիկանները իրեն չմոտենան: Բանակցությունների ընթացքում իրավապահ մարմինների աշխատակիցներից մեկը՝ ոստիկանության հատուկ ուժերի կապիտան Վանգ Պեյը համոզեց առևանգչին իրեն պատանդ վերցնել կնոջ փոխարեն և տղամարդու հանգիստ լինելու համար, խնդրել է կապել իր ձեռքերն ու ոտքերը:
Հանցագործի կողքին հայտնվելով Վանգը արձակել է կապանքները և հարձակվել նրա վրա։ Ոստիկանին օգնության են հասել գործընկերները, և տղամարդը զինաթափվել է։
Գործողության ընթացքում ոստիկանը վիրավորվել է, պատանդ կինը չի տուժել։