Մասաչուսեթսի տեխնոլոգիական համալսարանի գիտնականները պարզել են, որ օտար լեզուներ սովորելու ամենահարմար տարիքը մինչև 10 տարեկանն է, գրում է Cognition ամսագիրը:
Գիտնականները համակարգչային մոդել են մշակել 10-70 տարեկան տարբեր ազգության և տարիքի 670 հազար մարդու ինֆորմացիայի մշակման համար: Հարցաթերթիկներում նշվել է մասնակիցների տարիքը, անգլերեն սովորելու փորձառությունը և լրացվել է քերականության իմացության թեստ:
Արդյունքում պարզվել է, որ օտար լեզվի քերականությունը յուրացնելու համար ամենալավը մանկական և պատանեկան տարիքն է: 18-ից հետո էլ արագ սովորելու ընդունակությունը պահպանվում է, բայց «մայրենիի» մակարդակի հասնելը ավելի բարդ է դառնում:
«18-ից հետո մարդն անցնում է ակտիվ աշխատանքի կամ ուսանող է դառնում, որը նույնպես ազդում է լեզու սովորելու արագության վրա», – նշում է հետազոտության հեղինակներից Ջոշ Տենենբաումը:
