![](https://www.1in.am/assets/uploads/2018/11/00-59.jpg)
https://www.facebook.com/HayPage.Official/videos/696740610694039/
Վերջերս IQOS գլանակների պարունակության վերաբերյալ բազմաթիվ վարկածներ են հնչում։ Այդ առումով ուշագրավ է ուկրաինական Vaping Lab յութուբային բլոգ-էջի կողմից իրականացրած փոքրիկ հետազոտությունը։
Տեսանյութի կրճատ տարբերակը հայերեն թարգմանությամբ ներկայացնում ենք բոլոր հետաքրքրասերների ուշադրությանը։ Դե, իսկ եթե տեսանյութեր չեք սիրում, տեքստային տարբերակին կարող եք ծանոթանալ ստորև։
«Բարև։ Իմ անունը Կատյա է, և այսօր մենք միասին կպարզենք, թե ինչից են բաղկացած Ֆիլիպ Մորրիսի կողմից արտադրվող IQOS-ի HEETS գլանակները։ Շատերն են հետաքրքրվում՝ ինչ կա գլանակների ներսում, արդյոք դա իսկապես թութուն է, ինչու ֆիլտրը նման չէ սիգարետի ֆիլտրին և, ընդհանրապես, ինչից է այն պատրաստված։
Գլանակների տուփը բացելուց հետո նկատում ենք, որ գլանակների դասավորությունը նույնն է, ինչ սովորական սիգարետի դեպքում։ Եկեք ընտրենք գլանակներից մեկը և կուսումնասիրենք դրա պարունակությունը։
Եկեք առանձին-առանձին ուսումնասիրենք դետալներից յուրաքանչյուրը. սկսենք թութունից։ Գլանակի ներսում գտնվող թութունը մի քիչ տարբերվում է մեզ բոլորիս ծանոթ այրվող սիգարետի թութունից։ Այն ավելի շուտ նման է բարակ ժապավենների, քան մանրացված թութունի, ինչը վերամշակման հատուկ տեխնոլոգիայի արդյունք է։ Այս դեպքում արտադրողը վերցնում է թութունի տերևները, առանձնացնում դրանց կոթունները, և, եթե ճիշտ եմ հասկանում, հենց դրանք էլ հետագայում օգտագործում սովորական սիգարետներում։ Այնուհետև թութունի տերևները մանրացվում են և թաթախվում բոլորիս կողմից սիրված գլիցերինի մեջ։ Հետագայում ստացված զանգվածը սեղմվում է, ինչի արդյունքում ստացվում են այսպիսի ժապավեններ։
Այս բոլոր քայլերն անհրաժեշտ են, առաջին հերթին, որպեսզի տաքացնող սայրը հեշտությամբ մտնի թութունի մեջ, իսկ գլիցերինն անհրաժեշտ է, որպեսզի տաքացման ընթացքում արտազատվի գոլորշի։ Առանց գլիցերինի մեջ թաթախելու գոլորշի չի արտազատվի։ Բացի այդ, միգուցե նկատել եք, որ թղթի ներքին հատվածում, որի մեջ փաթաթված է գլանակը, կա մետաղական բարակ շերտ, որը ապահովում է թութունի հավասարաչափ տաքացում և տալիս է մեզ անհրաժեշտ համը։
Եկեք թութունի հատվածից անցնենք ֆիլտրին։ Այրվող սիգարետի համեմատ՝ գլանակների ֆիլտրը մի փոքր այլ ֆունկցիա է կատարում։ Քանի որ այստեղ չկա այրման գործընթաց, այրման պրոդուկտները ֆիլտրելու կարիք էլ չի առաջանում։ Ֆիլտրն առաջին հերթին սառեցնում է գոլորշին ու ներքաշում այդ գոլորշու ավելորդ խոնավությունը։ Երրորդ ֆունկցիան ավելի հոգեբանական է, քանի որ ծխողը սովոր է շուրթերի և թութունի միջև ունենալ ֆիլտր կամ մուշտուկ։
Եկեք կառուցվածքային հարցերից անցնենք ավելի հետաքրքրաշարժ թեմաների՝ օրինակ՝ ինչից է բաղկացած տվյալ ֆիլտրը։ Ես շատ տարբեր ենթադրություններ և հետաքրքիր տարբերակներ եմ լսել այս հարցի վերաբերյալ, և, եթե ճիշտ եմ հասկանում, այս ֆիլտրերը նման են այրվող սիգարետում առկա ֆիլտրերին։ Իսկ թե ինչից է պատրաստված այդ հատվածը, գիտեն քչերը։ Եվ այսպես․ իրականում գլանակի տվյալ հատվածը պատրաստված է բիոպոլիմերից՝ շաքարեղեգից կամ եգիպտացորենի օսլայից։
Ենթադրում եմ, որ տվյալ թաղանթը քայքայվում է բնական միջավայրում, և եթե փորձեք այն եռացնել, ապա ամբողջովին կլուծվի ջրում։ Կարող եք ստուգել, եթե չեք հավատում։
Եթե ճիշտ եմ հասկանում, գլանակի հենց այդ հատվածն է պատասխանատու գոլորշու ավելորդ խոնավության ներքաշման համար։ Օգտագործման ընթացքում այդ հատվածը խոնավանում է՝ միաժամանակ մգանալով և ավելի կարծրանալով։ Մի քանի րոպեից կտեսնեք նաև, թե այս ամենն ինչ տեսք ունի։
Այժմ եկեք ուսումնասիրենք օգտագործված գլանակը և տեսնենք, թե ինչպես են փոխվում մեզ ծանոթ բաղադրիչները օգտագործելուց հետո։
Ահա, մենք տեսնում ենք, որ թութունի հատվածը մգացել է, ֆիլտրերը նույնպես մի փոքր մգացել են, բայց ոչ այնպես, ինչպես այրվող սիգարետի դեպքում։ Ինչ վերաբերվում է ժապավենային ֆիլտրին, հիմա այն, ինչպես տեսնում եք, հեշտ չի բացվում, ու ավելի կարծր է դարձել։
Այժմ Դուք գիտեք, թե ինչից են բաղկացած IQOS գլանակները»։