ԵԱՀԿ Մինսկի խմբի ռուսաստանցի համանախագահ Իգոր Պոպովը կարծում է, որ Բաքուն և Երևանը Լեռնային Ղարաբաղի հարցով երկխոսությունը ամենաբարձր մակարդակում շարունակելու սկզբունքային ցանկություն ունեն, հաղորդում է «ՌԻԱ Նովոստին»:
Լեռնային Ղարաբաղում շփման գծում, Ադրբեջանի և Հայաստանի սահմանին նույնպես, իրավիճակը «համեմատաբար կայունացել է: Այսօր մեր այցը մոտենում է ավարտին, մենք եղանք Երևանում, Լեռնային Ղարաբաղում, այժմ Բաքվում ենք: Հանդիպեցինք Հայաստանի վարչապետի պաշտոնակատարի, Ադրբեջանի նախագահի, երկու երկրների պաշտպանության նախարարների հետ: Շուտով հանդիպում կունենանք Ադրբեջանի արտգործնախարարի հետ: Քննարկել ենք Դուշանբեում երկու երկրների ղեկավարների միջև համաձայնությունները, խոսել Երևանի և Բաքվի միջև հաստատված կապի գծի մասին: Հուսով ենք, որ հաջորդ ամիս կկայանա երկու երկրների արտգործնախարարների հանդիպումը, որտեղ կքննարկվեն կարգավորման առացքային հարցերը և վստահության ամրապնդման միջոցները՝ հաշվի առնելով իրավիճակի զարգացումն ու երկու երկրների ղեկավարների միջև հարաբերությունները»,- լրագրողներին ասել է Պոպովը:
