ՌԴ արտգործնախարար Սերգեյ Լավրովը հայտարարել է, որ քանի դեռ Հայաստանում իրավիճակը չի կայունացել՝ Լեռնային Ղարաբաղի իրավիճակի կարգավորման շուրջ լուրջ համաձայնություն ձեռք բերել չի հաջողվի, գրում է «ՌԻԱ Նովոստին»:
Լավրովը, Մոսկվայում կայացած ասուլիսի ընթացքում նշել է, որ ըստ Դուշանբեում Հայաստանի վարչապետի պաշտոնակատարի և Ադրբեջանի նախագահի միջև կայացած համաձայնության պատրաստ են շարունակել շփումները, արտգործնախարարնեի հանդիպումները, և, իհարկե, Հայաստանն ու Ադրբեջանը պատրաստ են շարունակել աշխատել ԵԱՀԿ Մինսկի խմբի համանախագահների հետ: «Մենք ողջունում ենք նման պայմանավորվածությունը»,- ասել է Լավրովը:
«Հասկանում ենք, որ մինչև ներքաղաքական գործընթացների ավարտը, դժվար թե հնարավոր լինի ապահովել Լեռնային Ղարաբաղի հարցի համակողմանի քննարկումն ու կարգավորումը»,-հավելել է նա:
