ՄԱԿ-ի գլխավոր քարտուղար Անտոնիու Գուտերեշը համաշխարհային հանրությանը կոչ է արել պաշտպանել լրագրողներին, որոնք իրենց կյանքն են վտանգում հանուն ճշմարտության:
Այս մասին ասվում է նոյեմբերի 2-ին նշվող Լրագրողների դեմ հանցագործությունների համար անպատժելիության դադարեցման միջազգային օրվա կապակցությամբ ՄԱԿ-ի գլխավոր քարտուղարի ուղերձում:
«Կոչ եմ անում կառավարություններին և միջազգային հանրությանը պաշտպանել լրագրողներին, ինչպես նաև պայմաններ ստեղծել նրանց աշխատանքի համար»,- ասել է Գուտերեշը:
«Այսօր ես արժանին եմ մատուցում այն լրագրողներին, որոնք ամեն օր կատարում են իրենց աշխատանքը՝ չնայած ահաբեկումներին ու սպառնալիքներին: Նրանց և նրանց զոհված գործընկերների աշխատանքը մեզ հիշեցնում է, որ ճշմարտությունը երբեք չի մեռնի»,-ընդգծել է Գուտերեշը: