Այսօր Քևին Քոսթները նշում է իր ծնդյան 59 ամյակը: 33 տարի նա ակտիվորեն նկարահանվում է և հասցրել է հարյուրավոր ֆիլմերում խաղալ, ընդ որում՝ դրանցից շատերը մեգաեկամտաբեր են եղել: Բացի այդ, նա «Ոսկե գլոբուսի», «Օսկարի» և «Էմմիի» մրցանակակիր է, գրում է SPLETNIK.RU-ն:
Քոսթներին ճանաչում բերած ֆիլմերից մեկը «Անձեռնմխելիները» կինոնկարն է, որը թողարկվել է 1987 թ.: Ֆիլմի սյուժեն իրական կյանքից է վերցված, այն պատմում է ՀԴԲ-ի և լեգենդար իտալացի Ալ Կապոնեի ղեկավարած մաֆիայի հակամարտության մասին: Այս ֆիլմում խաղացած դերի համար Քոսթներն «Օսկարի» է արժանացել:
1990 թ. հոկտեմբերի 19-ին Վաշինգտոնում կայացել է «Գայլերի հետ պարողը» ֆիլմի պրեմիերան, որտեղ Քոսթները որպես դերասան և ռեժիսոր է հանդես եկել: Ֆիլմի աշխատանքները հինգ տարի են տևել, իսկ համաշխարհային վարձույթից այն 424 միլիոն դոլար է ստացել:
Նոր Հոլիվուդի պատմության մեջ ամենահուզիչ ֆիլմերից մեկը 1992 թ. թողարկված «Թիկնապահն» է: Ֆիլմի թողարկումից հետո Քոսթները միլիոնավոր կանանց կուռքն է դարձել:
Մեկ տարի անց՝ 1993 թ. թողարկվել է «Կատարյալ աշխարհ» մարտաֆիլմը, որը պատմում է ավազակի և նրա գերու՝ 8-ամյա երեխայի յուրօրինակ հարաբերությունների մասին:
Քոսթները հանդիսանում է «Ջրաշխարհ» ֆիլմի պրոդյուսերն ու ռեժիսորը, սակայն ֆիլմը նրան մեծ հաջողություն չի բերել՝ 1995 թ. միանգամից երկու անվանակարգերում այն ստացել է «Ոսկե ազնվամորի» հակամրցանակ:
Ռեժիսոր Թոմ Շեդյակի «Ճպուռ» ֆիլմը թողարկվել է 2002 թ.: Մահվան և վերածննդի մասին խորհրդավոր պատմությունը միանգամից գերել է հանդիսատեսին: Ֆիլմը վարձույթում 15 միլիոն դոլար է հավաքել:
«Փրկարարը» ֆիլմը թողարկվել է 2006 թ.: Քևին Քոսթների հետ միասին ֆիլմում խաղացել է նաև երիտասարդ Էշթոն Քեթչերը: Սակայն 70 միլիոն բյուջե ունեցող ֆիլմը միայն 54 միլիոն է հավաքել:
