IBM ընկերությունը ավելի քան 1.2 մլրդ դոլար կներդնի 5 մայրացամաքների տարածքում տվյալների բազաների 15 կենտրոնների կառուցման համար՝ այսպիսով ընդլայնելով «ամպային» ծառայությունները և մտածելով նոր հաճախորդների ու շուկաների մասին: Նոր «ամպային» կենտրոնները կգտնվեն Վաշինգտոնում, Մեխիկոյում, Դալլասում, Լոնդոնում, Չինաստանում Հոնկոնգում, Հնդկաստանում և Կանադայում:
2015-ին IBM-ը ծրագրում է շարժվել դեպի Մերձավոր Արևելք և Աֆրիկա:
IBM-ը հայտնել է, որ ներդրումները կօգնեն տեղեկատվական կենտրոնների թիվն այս տարի հասցնել 40-ի և կրկնապատկել SoftLayer «ամպային» ծառայությունների արտադրողականությունը:
IBM-ը անցած տարի 2 մլրդ դոլարով գնել է SoftLayer-ը՝ ձեռք բերելով 2400 նոր հաճախորդ: Ընկերության հաշվարկներով՝ մինչև 2020 թվականը «ամպային» տեխնոլոգիաների գլոբալ շուկան կհասնի 200 մլրդ դոլարի:
