Սաուդցի լրագրող Ջամալ Հաշքաջիի սպանությունը չԷր կարող տեղի ունենալ առանց Միացյալ Նահանգների աջակցության: Այդ մասին, հոկտեմբերի 24-ին հայտարարել Է Իրանի նախագահ Հասան Ռոուհանին:
«Չեմ կարծում, որ որեւԷ մեկը կարող Էր համարձակվել նման հանցագործություն կատարել առանց ԱՄՆ-ի կողմից աջակցության,- Ռոուհանիի խոսքը մեջբերում Է Իրանի նախագահի պաշտոնական կայքը:- Ոչ ոք նույնիսկ պատկերացնել չԷր կարող, որ այսօր արդի դարաշրջանում մենք կարող ենք նման սպանության վկաներ դառնալ»: Իրանի նախագահը դատապարտել Է Հաշքաջիի սպանությունը եւ հորդորել Թուրքիային՝ «անաչառ ու մանրամակրկիտ հետաքննություն» անցկացնել:
«Մենք Թուրքիայի կառավարությանը խնդրում ենք՝ շարունակել հետաքննությունը, որպեսզի համաշխարհային հանրակցությանը տրամադրվի այս հանցագործության բոլոր մանրամասները, որը նախադեպը չունի վերջին տասնամյակների ընթացքում»,-նշել Է նա:
Սաուդցի լրագրող Ջամալ Հաշքաջին, որը հայտնի Էր Էր Ռիադի քաղաքականության վերաբերյալ քննդատական հոդվածներով, կորել Է հոկտեմբերի 2-ին՝ Ստամբուլում Սաուդյան Արաբիայի գլխավոր հյուպատոսություն այցելելուց հետո: Հոկտեմբերի 20-ին սաուդյան իշխանությունները հայտնել են, որ լրագրողը դիվանագիտական առաքելության շենքում սպանվել Է կոնֆլիկտի հետեւանքով, սակայն միջադեպի մանրամասները չեն ներկայացրել, հաղորդել Է ՏԱՍՍ գործակալությունը:
