Ավստրալիայի հարավային նահանգների բնակիչները շարունակում են տառապել շոգից՝ հայտնում է ITAR-TASS-ը:
Այսօր աննախադեպ բարձր ջերմաստիճան է սպասվում նաև Մելբուռնում, որտեղ այս օրերին ընթանում է Թենիսի Ավստրալիայի բաց առաջնությունը: Սպասվում է 42 աստիճան շոգ, ինչի հետևանքով 4.3 մլն բնակչությամբ քաղաքում նոր ռեկորդ կսահմանվի. քաղաքի պատմության առաջին անգամ 4 օր շարունակ ջերմաստիճանը գերազանցում է 40 աստիճանը:
Երեկ՝ կապված սարսափելի շոգերի հետ, դադարեցվել են ցերեկային խաղերի մեծ մասը, որոնք տեղափոխվել են երեկոյան ժամերի: Այդ օրը բժիշկները օգնություն են ցուցաբերել 970 հանդիսականի:
Հիդրոօդերևութաբանների կանխատեսումներով՝ շաբաթ ու կիրակի Մելբուռնում ջերմաստիճանը կլինի մոտ 20 աստիճան, ինչը ուրախացնում է քաղաքի բնակիչներին ու հյուրերին:
Միևնույն ժամանակ, հրշեջները չեն կարողանում հանգցնել ավելի քան 60 անվերահսկելի անտառային հրդեհները:
