Ինչպես հաղորդում է իսպանական Marca պարբերականը, Մադրիդի «Ռեալ»-ի հարձակվող Քրիշտիանու Ռոնալդուն ակումբի ֆիզիոթերապևտին խոստացել է նրա համար ավտոմեքենա ձեռք բերել, եթե ստանա «Ոսկե գնդակ» մրցանակը: Պորտուգալացի ֆուտբոլիստն այդ խոստումը տվել է վնասվածքներից մեկից վերականգնվելու գործընթացի ժամանակ:
Թե որ մոդելի ավտոմեքենայի մասին է խոսքը, և թե երբ այն պետք է ստանա բժիշկը, դեռևս չի հաղորդվում:
Հիշեցնենք, որ Ռոնալդուն երկուշաբթի օրն իր կարիերայում երկրորդ անգամ դարձավ «Ոսկե գնդակ»-ի դափնեկիր: Նա 2013 թվականի ընթացքում, բոլոր մրցարարերում միասին վերցված, դարձել է 69 գոլի հեղինակ:
