Նիկոլ Փաշինշանի հրաժարականից հետո Հայաստանը կթևակոխի խորհրդարանի լուծարման երկշաբաթյա գործընթացի փուլ: Շատերը այս կապակցությամբ փորձում էին Փաշինյանին հետ պահել այդ քալից՝ ազդարարելով վտանգների մասին, որ խորհրդարանի ներկայիս մեծամասնությունը կարող է խաբել: Սակայն, եթե կայացվել է քաղաքական այս որոշումը, և եթե անգամ պատասխանատու կերպով հայտարարվել էր այս տարբերակը, դա նշանակում է, որ վտանգները հաշվարկված և ռիսկերը գնահատված են: Միևնույն ժամանակ, շատ հստակ է, որ այս առումով ակնհայտ, այսպես ասած, հավանության արձագանքներ են ստացվել արտաքին ուժային կենտրոններից: Վերջին հաշվով, եթե դիտարկենք վտանգը ևս մեկ անգամ, դա վարչապետի այլ թեկնածուի առաջադրումն է, թեև խորհրդարանական բոլոր ուժերը հայտարարել են, որ չեն անելու դա: Սակայն եթե դիտարկենք, այսպես ասած, խաբելու հանգամանքը, ապա այստեղ պետք է հասկանանք, թե ում են նրանք խաբելու՝ Նիկոլ Փաշինյանի՞ն, թե՞ հասարակությանը:
Թեմայի շուրջ «Առաջին լրտվական»- ի հետ քննարկմանը մասնակցեցին քաղաքագետներ Ռուբեն Մեհրաբյանը, Արմեն Բաղդասարյանը, և «Մերժիր Սերժին» շարժման անդամ Դավիթ Հովհաննիսյանը:
Ռ. Մեհրաբյանի դիտարկմամբ՝ ներկայիս Ազգային ժողովն ապացուցեց իր ժամանակավրեպ լինելը և ցույց տվեց, որ իր գնալու ժամանակն է: «Տեղի ունեցող գործընթացը օրինաչափություն է, ԱԺ բոլոր պատգամավորները ըմբռնումով են մոտենում, նույնիսկ բոլոր նրանք, ովքեր պաշտոնապես հայտարարում են, որ դեկտեմբերին արտահերթ ընտրություններ անցկացնելու գաղափարի հետ համամիտ չեն. չըմբռնելու տարբերակ պարզապես չի մնում»,- նշեց քաղաքագետը:
Ա. Բաղդասարյանի կարծիքով՝ վարչապետի հանդիպումը խորհրդարանական խմբակցությունների հետ ինչ-որ առումով խորհրդանշական էր, քանի որ մեծ է հավանականությունը,որ հաջորդ ԱԺ-ում ՀՅԴ-նև ՀՀԿ-ն չեն լինի: «ՀՀԿ-ականները երկմտում են՝ խայտառա՞կ լինեն, թե՞ չլինեն, պատվո՞վ հեռանան, թե՞ մասնակցեն ընտրություններին և ստանան իրենց արժանի 1-2 տոկոս ձայնը: Նրանց որոշումը ապագա խորհրդարանի կազմի վրա չի ազդի»,- նշեց Ա. Բաղդասարյանը:
«Մեր շարժման նպատակը եղել է նոր խորհրդարանի ձևավորումը, և հիմա եկել է ժամանակը: Ակնհայտ է, որ այս խորհրդարանի գոյության ամեն օրը հետ է գցում Հայաստանը՝ բոլոր առումներով»,- նշեց Դ. Հովհաննիսյանը:
Ռ. Մեհրաբյանի կարծիքով՝ ավելի տրամաբանական մեխանիզմ, քան վարչապետի հրաժարականն է, գոյություն չունի:
Ա. Բաղդասարյանի խոսքով՝ հոկտեմբերի 2-ը ցույց տվեց, որ հակահեղափոխությունը շանս չունի, և ներքին քաղաքական վտանգները չեզոքացված են:
Քննարկման մասնակիցների դիտարկմամբ՝ վարչապետն իր հրաժարականի ելույթով բոլոր կասկածները փարատեց: Եվ Վարչապետն իր հրաժարականով տալիս է արտահերթ ընտրությունների մեկնարկը:
Մանրամասն՝ տեսանյութում: