Հոկտեմբերի 8-ի լույս 9-ի գիշերը ողբերգական դեպք է տեղի ունեցել Վրաստանում։ Ինչպես հայտնում է shamshyan.com-ը, Երևանի Շենգավիթ վարչական շրջանի բնակիչ Սամվել Գևորգյանը Freelander 11264 մակնիշի 272 ՍԼ 25 համարանիշի ավտոմեքենայով Ռուսաստանի Դաշնությունից Երևան ընթանալիս՝ Թբիլիսի քաղաքից 30 կմ հեռավորության վրա, կեսգիշերին դուրս է եկել հանդիպակաց երթևեկելի գոտի և մոտ 15 մետր գլորվել ձորը:
Ավտոմեքենայում, որը բարձված է եղել 22 տոննա ալյուրով, հրդեհ է բռնկվել, և մեքենան ամբողջովին վերածվել է մոխրակույտի: Ըստ աղբյուրի՝ Վրաստանում Հայաստանի դեսպանատունը միջոց չի ձեռնարկել մահացածի հարազատներին օգնելու ուղղությամբ: Երկրորդ օրն է՝ զոհի ընկերներն ու հարազատները գտնվում են Վրաստանում և չեն կարողանում դին տեղափոխել Հայաստան:
